Abancos y palancos

Esti 1 de febreru, víspora de la Candelera y día de Santa Bríxida, asoleyóse por fin Abancos y Palancos.

ISBN 978-84-09-27171-9 — 324 páxines — PVP 10 €

Lleer un fragmentuDescarga

«Los mitos son nada menos que la hestoria oral de la humanidá dende los sos oríxenes borrinosos. Por desgracia, esa hestoria, qu’averbena de respuestes a les entrugues que nun aparamos de facenos, lléganos escrita nuna llengua bayurosa de matices pero morimunda o dafechu muerta, que, sicasí, sigue asperando a qu’alcontremos la clave pa la descifrar. Esa clave ye l’abancu, y esti llibru trailu de vuelta pa con nós. Agora el llibru de los mitos, la gran hestoria coleutiva (y la mente coleutiva), pue lleese entendiendo, y la so cencia ye accesible, y el güeyu entrenáu algama a endilgar pente aquella borrina de tiempos remotos. Abancos y palancos llévanos a la dómina de la xente animal, a les orielles del agua primixenio onde, metanes nel agua, rei nel so palafitu, tresnaba l’Abancu; y d’ende, en procisión pa la rende’l monte hasta’l palancu, onde’l freru de la Pizarra de Carrio mos aguarda con gran xera pa entamar el ritual, esta vez na nuestra llengua.» (De la cubierta).

Entradas recientes

Llar célticu

—A né, el llar ¿qué ye?—El llar ye onde se fai el fuou, onde se facía…—Onde se facía ¿cuándo?—Enantes. Onde se fizo siempre hasta que llegaron les cocines de carbón.—Y ¿ónde se facía?—En suelu, o enriba una llábana que taba en suelu.—Y ¿qué más ye llar?—El suelu’l pan.—y ¿qué más?—El suelu’l fornu.—Entós, ¿qué significa llar?—Nun…

Ello foi una pe

Voi presentavos a dos amigos míos. Él ye El Bilorteru; ella, La Bilortera, anque tamién tien el nomatu de «Raitana». Bilorteros ye namás un nome de familia; dalgún bicácaru tendrín que facía bilortos, o quesiyó.Vamos dir pasu ente pasu sabiendo d’ellos. —Á nin, ¿ye verdá que’l celta nun tien pe?—Non, fía. Ye una mentira como…

El Misteriu d’Emeteriu

Santu Mederu o Medédicen que es San Emeterio,pero aquí dentro hay misterio.¿Por qué? Paez mentira qu’esto yá tea escrito, pos podía habelo escrito yo (si fuere poeta); pero non, foi Celso Amieva nel sieglu pasáu. Pue atopase esti poema (como casi tolo que tien que ver con Santu Mederu) nel llibru de Jesús González Celada…